● არ გააზიაროთ ბარათის მონაცემები (ბარათის ნომერი, მოქმედების ვადა, CVC2 კოდი) ტელეფონით, ელექტრონული ფოსტით ან სხვა დაუცველი არხით.
● PIN კოდი არის კონფიდენციალური ინფორმაცია – არ შეინახოთ ბარათთან ერთად, არ დააწეროთ ბარათს და არ განათავსოთ სხვა პირებისთვის ხელმისაწვდომ ადგილას.
● არ გადასცეთ ბარათი და/ან PIN-კოდი მესამე პირებს.
● ბარათის დაკარგვის ან მოპარვის შემთხვევაში დაუყოვნებლივ დაბლოკეთ ბარათი მობილური აპლიკაციიდან ან დაუკავშირდით ჩვენს კონტაქტ ცენტრს ნომერზე +995 322 49 25 25
რეკომენდაციები:
ბანკომატით სარგებლობა (ATM)
● გამოიყენეთ მხოლოდ უსაფრთხო და სანდო ადგილებში განთავსებული ბანკომატები.
● ბანკომატის გამოყენებისას არ მიიღოთ დახმარება უცნობი პირებისგან.
● PIN კოდის შეყვანისას დაფარეთ კლავიატურა, რათა მესამე პირებმა ვერ დაინახონ კოდი.
● PIN კოდის სამჯერ არასწორად შეყვანისას ბარათი ავტომატურად დაიბლოკება.
● ბარათის ან ნაღდი ფულის ბანკომატში დაკავების შემთხვევაში დაგვიკავშირდით.
● ოპერაციის დასრულების შემდეგ დროულად აიღეთ ბარათი, თანხა და ქვითარი, რათა არ მოხდეს მათი დაკავება ბანკომატის მიერ.
● ბანკომატის დატოვებამდე დარწმუნდით, რომ ოპერაცია სრულად დასრულებულია და ეკრანზე არ რჩება აქტიური სესია.
გადახდა სავაჭრო ობიექტებში (POS ტერმინალი)
● მოითხოვეთ ტრანზაქციის შესრულება თქვენი თანდასწრებით და არ გაატანოთ ბარათი მომსახურე პერსონალს (მათ შორის ბენზინგასამართ სადგურებზე, რესტორნებში და სხვა ობიექტებში);
● ოპერაციის დადასტურებამდე გადაამოწმეთ გადასახდელი თანხა.
● შეინახეთ გადახდის ქვითარი ოპერაციის გადამოწმების მიზნით.
● უკონტაქტო გადახდა სრულდება ბარათის ტერმინალთან მიახლოებით, არ საჭიროებს PIN-კოდის შეყვანას.
ონლაინ გადახდები (ელექტრონული კომერცია)
● გამოიყენეთ ბარათი მხოლოდ სანდო და დაცულ ვებ-გვერდებზე.
● გადაამოწმეთ ვებ-გვერდის მისამართი, სადაც შეგყავთ ბარათის მონაცემები.
● დარწმუნდით, რომ ვებ-გვერდის მისამართი იწყება https://-ით და შეიცავს უსაფრთხოების ნიშნულს (ჩაკეტილი ბოქლომის სიმბოლო).
● მოერიდეთ ბარათის მონაცემების შენახვას უცნობ ან არასანდო ვებ-გვერდებზე.
3D უსაფრთხოება (3DS)
● ონლაინ გადახდებისას შესაძლებელია ოპერაციის დადასტურება ერთჯერადი ავტორიზაციის კოდით (3DS), რომელიც იგზავნება თქვენს მობილურ ნომერზე.
● ერთჯერადი კოდი გამოიყენება მხოლოდ კონკრეტული ოპერაციის დასადასტურებლად და არ უნდა გაუზიაროთ მესამე პირებს.
ბარათის დაკარგვის ან მოპარვის შემთხვევაში დაუყოვნებლივ დაბლოკეთ ბარათი InexPay-ის მობილური აპლიკაციიდან ან დაუკავშირდით ჩვენს კონტაქტ ცენტრს (საკონტაქტო ნომერი +995 322 49 25 25).
